శ్రీ కృష్ణ జన్మాష్టమి...

హే కృష్ణా... ముకుందా... మురారీ...

ఆరగించవయ్యా.. కిట్టయ్యా..

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

బుద్ధిగా బజ్జోవయ్యా నటనసూత్రధారీ

 

నీవిచ్చినది నీకే సమర్పయామి

ఎంత చూసినా మరల మరల చూడాలనిపించే సౌందర్య సార సర్వస్వం......

బృందావన విహారీ... జయ జయ మురారి

శ్రీ కృష్ణ జన్మాష్టమి... ఇష్టమైన పండుగ, నాకైనా మీకైనా..నిజమే కదా?  నాకు చేతనైన రీతిలో నేను కూడా అది  సెలెబ్రేట్ చేయడం నాకు ఓ ముచ్చట.. ఇదివరలో పిల్లలు నాకు సహకరించేవారు.. ఇప్పుడు వాళ్లు కాపరాలకు వెళ్లిపోయారు.. చిన్ని కన్నయ్యకు మంచి బట్టలు కట్టి.. అలంకరించి... పూజ చేసి.. శక్తి మేరకు నైవేద్యాలు అర్పించాను... ముత్తైదువలు వచ్చి పాటలు పాడారు.. ఊయలలో చిన్ని కిష్టయ్యను ఊపి ,,,లాలి పాడి బజ్జో పెట్టారు...ఆ ముచ్చట మీతో పంచుకుందామని...

గోవర్థన గిరిధారి....

గోవర్థగిరి నెత్తిన గోవిందుడోయమ్మా
గోకులమునకు వ్యాకులమును తీర్చిన ఘనుడమ్మా  || గోవర్థన  ||

ఒకటా రెండా ఏడు దినములు పట్టి
గోవుల గోపాలకులను కాచినాడమ్మా || ఒకటా ||   ...    || గోవర్థన  ||

ఏడుకొండలపై కొలువున్న గోవిందుడే
మన సకలేంద్రియములను నడిపే గోవిందుడు
రేపల్లె జనుల నేమాయ కమ్మెనో...
పరమాత్మ తత్త్వమే తాను దాచెనో....  || రేపల్లె ||
గోవిందా.....గోవిందా.....గోవిందా.....గోవింద.....                  || గోవర్థన  ||

యజ్ఞభోక్త, యజ్ఞకర్త, యజ్ఞఫలప్రదాతైనా
ధర్మమెరుగజేయ నడయాడెనో....
నందగోకులవాసుల జన్మలు పండెనో            ||ధర్మమెరుగజేయ||

గోవిందా.....గోవిందా.....గోవిందా.....గోవింద.....                  || గోవర్థన  ||
(lyric by dinavahi vijayalakshmi... you can hear the song by vijayalakshmi...www.yourlisten.com...bhaktivijayageethika or my face book.)

మా గురుదేవులు బ్రహ్మశ్రీ సామవేదం షణ్ముఖశర్మగారు.. శ్రీ కాంచీపుర క్షేత్రంలో మూడురోజులు ప్రవచనాలు చేసారు. మా దంపతులం ఆ కార్యక్రమమునకు హాజరు కాగలగడం మా అదృష్టం.. కంచి పీఠాధిపతుల దర్శన భాగ్యం కలిగింది.. శ్రీ శ్రీ శ్రీ జయేంద్ర సరస్వతీ స్వాములవారికి,
శ్రీ శ్రీ శ్రీ విజయేంద్ర సరస్వతీ స్వాములవారికి భక్తితో "విజయగీతిక" పుస్తకాలను సమర్పించుకున్నాము...
"నీవే వ్రాసావా.. అహాఁ" అని పెద్ద స్వామి అంటే, "భక్తి విజయగీతిక..ఊఁ" అని చిన్న స్వామి తలపంకించారు.. మహద్భాగ్యమని పొంగిపోయాము మా దంపతులము.. ఆ ఆనందము మీతో పంచుకుందామనిపించింది...

భక్తివిజయగీతిక పుస్తక ఆవిష్కరణ

Firs copy was given to Dr.T.V.Narayana rao, Reputed Eurolgist in Rajahmundry and who is authority in Puranas and Kavyas.

జీవితంలో కొన్ని ఊహించని సంఘటనలు జరుగుతూ ఉంటాయి.. అటువంటిదే ఈ పుస్తక ఆవిష్కరణ. విన్న ఏవో పాటలు నా ఆనందంకోసం పాడుకుంటు ఉండడమే కాని, ఇలా గీతరచన, పుస్తక ప్రచురణ చేస్తానని ఎప్పుడూ ఊహించలేదు. ఇది కేవలం జగజ్జనని కృపా విశేషం. మా గురుదేవులు బ్రహ్మశ్రీ సామవేదం షణ్ముఖశర్మ గారి అనుగ్రహ విశేషం. వారి అమృతోపమానమైన ఆధ్యాత్మిక ఉపన్యాసములు వింటూ ఉంటాను.. భగవద్భక్తి వాటివలన దృడపడుతోంది.. ఆ ఆలోచనలే నాలో మెదిలి గీతాలుగా ... సుస్వర గీతాలుగా రూపుదిద్దుకున్నాయి. రెండు వందల పైగా ఎలావ్రాసానో ఆ జగన్మాతకే తెలియాలి. అవి విన్న సౌజన్యమూర్తి శ్రీమతి లలితా అన్నప్పారావు, విశాఖపట్నం చాలా ప్రోత్సహించి పుస్తకంగా అందీయమన్నారు. గురువుగారు కూడా ఆ ఆలోచనకు అంగీకరించారు. ఫలితంగా నూటఎనిమిది గీతాలతో "భక్తి విజయ గీతిక" వెలుగు చూసింది. ఈ పుస్తకం పేరు సంస్కరించడమే కాకుండా శ్రీ షణ్ముఖ శర్మగారు దీనికి ముందుమాటగా శివాకాంక్షలు అనుగ్రహించారు.. వారి చేతులమీదుగా దీని ఆవిష్కరణ జరిగింది. అంతకన్నా అదృష్టమేముంది ?
అతి తక్కువ సమయంలో ముద్రణ పూర్తిఅయి, పుస్తకంగా అందీయడంలో సహకరించిన డా.అరిపిరాల నారాయణరావుగారికి కృతజ్ఞతలు చెప్పకతప్పదు. ఎందరో సహకరించారు... అందరికి కైమోడ్పులు.    ఈ బ్లాగులో అందరి ప్రోత్సాహంతో వీలువెంబడి పాటలు పరిచయం చేయాలని ఆలోచన...

కొత్త బ్లాగుకు స్వాగతం

నమస్కారములు .. "విజయ గీతిక" అనే శుభనామముతో క్రొత్తగా బ్లాగు ప్రారంభిస్తున్నాను. ఇది మా శ్రీమతి నిర్వహించే బ్లాగు. నా "హాస్యవల్లరికి" అనుబంధము .. ఆమెకు పాటలు ఇష్టము. సామాన్య గృహిణిగా మరికొన్ని ఇష్టాలు ఉంటాయి కదా ...ఆ, ఈ, ఇష్టాలతో అందరికి నచ్చేట్టు  ఆవిడ సహకారముతో వ్రాద్దామని మొదలెట్టామరి . శుభాకాంక్షలు ఆశిస్తూ....ఈ  బ్లాగుకి చేరడానికి vijayageethika.blogspot.in